هارداسان؟ عمادالدین نسیمی
جانیمی یاندیردی شوقون ای نگاریم هارداسان گوزلریم نوری ایکی عالمده یاریم هارداسان
باغریمی قان ایلدی آجی فراقون گل ایرش ای لبون وصلی شراب خوشگواریم هارداسان
فرقتون دردی منی گور کی نه مجروح ایله دی ای گوزی نرگس حبیب گولعذاریم هارداسان
صبری یغمالدی شوقون قراریم قالمادی ای منیم آرام صبریم بی قراریم هارداسان
ایله دی عشقون منی قلخان ملک تیرینه ای گوزی قاشی بیلیک لی شهریاریم هارداسان
تا اوزون شوقوندان ایراغ اولموشام پروانه تک یانیرام لیل و نهار ای نور و ناریم هارداسان
قاتی موشتاق اولموشام زلف و غذارین بویونا ای اوزی گلشن ساچی مشک تاتاریم هارداسان
سندن آیری کونلومه یوخدور وفالی یار دوست ای جفاسیز حسن کامل یار غاریم هارداسان
هجرون اوخی دلدی بو شوقونده یانان باغریمی صورت و معنیده ای چابک سواریم هارداسان
بادایلن گوندر ساچین بویین منه هر صبحدم ای کی یاندیم گئچدی حددن انتظاریم هارداسان
یار اوچون هر گوشه ده مین دیو اولور دشمن منه ای سواد اعظم و محکم حصاریم هارداسان
عاشیقین جنات عدنی چون جمالون وصلیدیر ای شراب کوثریم گئتمز خماریم هارداسان
چون نسیمی دور بوگون ایام عشقین خسروی ای شکر لب یار شیرین روزگاریم هارداسان…
آصف…شهریاریم هارداسان
ای گولوم،باغیم،گولوستان،لاله زاریم هارداسان مست اولام وصلونده جانا گل خوماریم هارداسان
قالموشام قئشدا،بوراندا هم سازاخدا شاختادا من اسیر بیر بلبلم تئز گل بهاریم هارداسان
ألده زنجیر قئچدا زنجیر باخ منیم سن بؤینوما غم سالوبدور دار ایپین ای غم گساریم هارداسان
چوخ گؤزللر واردی آنجاق سن تکین یوخدورگؤزل ایله وصلون عاشیقه امکان نگاریم هارداسان
بی قرارم یوخدی سنسیز عاشیقه بیرلحظه تاب من سنون وصلونده آرامم قراریم هارداسان
من سنیله عرشه باش چاتدرام عشقیم دلبریم گل اوجالدعاشیق باشین شأن و وقاریم هارداسان
آیریلیق بیر درد اولوب درمانه عاجیز قالموشام بیر غزل ناب ایسترم ای شهریاریم هارداسان
آصیف ایستر اوتدورا جانانه عشقین ای فلک ایسترم دلبر اولا با هم قوماریم هارداسان
هرگئجه گؤندوز فراقوننن تیکیب گؤز یوللارا گل تمام اولسون منیم بو انتظاریم هارداسان