مین لرجه قلم شوکت شورانی یازانماز
عشق ایله چکن زحمت شورانی یازانماز
تقدیم إده رم سیزلرایچون بیر غزل اما
دیواندا اولا حشمت شورانی یازانماز
قرآن ایله هم جمله احادیث منه بسدی
هر کس اولا تک نصرت شورانی یازانماز
هرکیمسه کی عمرینده اگرمشورتی یوخ
مین ایل یاشاسا نعمت شورانی یازانماز
ارزیش قویولوب گوهرو الماسه ولی کن
قیمت گر، اولا قیمت شورانی یازانماز
آصیف بیزه بو گیرده وطن دی ولی هر کس
بیگانه اولا غیرت شورانی یازانماز