یولداشیم یاز منه سن سؤز آتالاردان نه خبر// قایغی دان بیرچه گی آغ یؤن آنالاردان نه خبر
سؤیله کئچمیش زامانون سؤزلری واردور یئنه ده// دئنن أو کوهنه آچئلمیش یارالاردان نه خبر
طوی إدن واردی گئدن کیمدی قالان کیم دی دئنن// کند ایچینده اوتوران ساغ قوجالاردان نه خبر
یاز منه گؤر أو سامانلیقدا سامان واردی یئنه// درگزی همده چینی هم یابالاردان نه خبر
اوجاق اوستونده پیشن آیران آشی،قره حالوا // هیس باسان تندیره سر شوربالاردان نه خبر
بنذه یور گون بو یوک اوستونده پارا بیر فطیره// باجالار واردی یئنه دار باجالاردان نه خبر
گئت قوناق رحمت عمی دن نئچه سؤزلر خبر آل// دئنن أو باغدا وئرئلمیش هاچالاردان نه خبر
بؤلؤنوب دنگه سولار؟چایدا نئچه أل سو آخور؟// دده مین وار یاریم آرپا نوبالاردان نه خبر
تؤخویوللار یئنه ده مسنه دی هم یؤن جورابی// پالازی هم جئجیمی هم هانالاردان نه خبر
پیسده وار؟یاخجی دا وار؟یاز کال آداملار یئتیشیب// واردی قانماز؟گیره کئچمیش یاخالاردان نه خبر
جوشی سسلندی دئدی شاه خراسانه سلام// مشه دی یا مشه وار یاز یوخالاردان نه خبر
بوغدانی ایسلادئب اوننان قؤئوروب دارت اونی سن// خشیلی یارما آشی أو یارمالاردان نه خبر
یونجالار یا خشه لر گؤر بیچیلوب لر منه ده // نئچه خلور؟نئچه خردل؟تایالاردان نه خبر
کاش محبت آچئلا سفره کیمین طایفالارا // بیلمورم هاردادئلار بئش خالالاردان نه خبر//