سعی إله دنیادا سن هر شئی دن آزاد (اؤل گؤزل) تکجه تانری عشقینه شیرینه فرهاد(اؤل گؤزل)
هرنه قدری حنظل اولسا روزیگارین ایشلری دؤز شیکایت إیلمه صبرایله قناد (اؤل گؤزل)
أیریلر ویران اولار کن دؤزلر آباد اولدئلار أیریلر بیزدن اوزاق،هریئرده آباد(اؤل گؤزل)
امرإله معروفه سن نهی إیله منکردن بیزی سن قرآن احکامینه والناس ارشاد (اؤل گؤزل)
گل قالارغی عشقه چنگؤن وئر یئتیش عرفانه سن صید جانان عشقینه دنیادا صیاد(اؤل گؤزل)
ایسته سون معنادا گؤز آچسان عمل إت سن بونا قاچ یالانناردان ولی دؤزلیکده بنیاد (اؤل گؤزل)
سن یاشا مردانه آنجاق قویما بو نامردیلر إتسه لر بیداد اگر مظلومه امداد (اؤل گؤزل)
آصیفا جنت اگر کی اولسا بیر زیبا عروس گل بو ایمان ایله سن دنیادا داماد (اؤل گؤزل)