خان داداش چاخما بیزه قوی جانیمیز دینجلسین
کاسبئن بختی یاتوبدور خانیمیز دینجلسین
گلدی کی ایش باشینا دولت تدبیر امید
ناامید ائتدی بیزی دوشمانیمیز دینجلسین
بیرکلید گتدی کی شاید آچا مشکل قاپوسین
ائلیه بیلمدی تا ایرانیمیز دینجلسین
بیزه چوخ قول وئروبدور بوبیری کاش دوز اولا
گلن ایل بلکه بیزیم وجدانیمیز دینجلسین
ییرمی درصد گلن ایلدن دئدی افزایش وار
زندگیمیز خوش اولاردورانیمیز دینجلسین
نیه بیهوده یئره وعده ی خرمن وئردی
قویمادی ایل قوتارا بیر جانیمیز دینجلسین
خرجیمیز اولدی دلار ایشلدوک امّا ریالا
هرنه چوخ اولدی گران دکّانیمیز دینجلسین
گلدی کی بعضی ائوین سفره سینه نان حرام
گئتدی اوردان برکت شیطانیمیز دینجلسین
یاتدوخ ازبس کی داداش یاستقمیز یرتئلدی
دورمادوق بیز ایاقا یورقانیمیز دینجلسین
حیف اوگوندن کی بیزیم زندگیه گلدی کلاس
هشتادی رد ائلدوک دوخسانیمیز دینجلسین
نجه کی گلدی جلالیله پژو بازاره
رده دن خارج اولوب پیکانیمیز دینجلسین
نیلیوم جنس باهادی گلمیور هئچ کیمسه بیزه
جانیمیز راحت اولوب مهمانیمیز دینجلسین
اوقدر دور زماندا بسواد شاعر وار یازها قویمیولارکی بیزیم دیوانیمیزدینجلسین
علی تیموری