اعلان ائلیون داغلاراسلطان ساوالاندور
تاریخده ائدن دشمنی حیران ساوالاندور
داغلارآراسیندا نئجه گورباشین اوجالدیب
یئرگوی ده دومان اولسانمایان ساوالاندور
وئرمیش گونشه مامن وماوا سینه سینده
اولدوزلاراهم آیه نگهبان ساوالاندور
رسام طبیعت یارادیب بوردابهشتی
گول غنچه دی چای چشمه فراوان ساوالاندور
عاجزدی قلم یازماغا اعجازهنردن
بوباشی اوجا زولفی پریشان ساوالاندور
دشمنده خیالیندا اگرائتسه جسارت
ائلریغیشیب سسلیه جاق جان ساوالاندور
بابک له برابرتانینیبدوراونون آدی
بابک دایاغی،ائللره جانان ساوالاندور
بیرخیردا«دنیز» آینایا بنزه رسینه سینده
قالمیش هامی بوحسنده حیران ساوالاندور
باشینداگوزل گوللی پاپاق چون دده قورقود
زرتشتا اولوب معبدوایمان ساوالاندور
داشلارهوریلیب داغدامنظم دوزولوبلر
دشمن قاباغیندانئجه قالخان ساوالاندور
آممانه یازیم بابکیمین من هنریندن؟
داغلاردافقط بابکه شایان،ساوالاندور
داغلارداطبیعتده اولارمظهرشوکت
سرمایه ی بوشوکت اینسان ساوالاندور
فتح وظفرین مظهری اولدی یئنه بابک
فتح وظفرین مایه سی سلطان ساوالاندور
آذرقوشونی ائتدی پشیمان خلفانی
دوغما وطنیم آذربایجان ساوالاندور
اعراب نه جرات له خیال ظفرائتدی؟
بیرداغ کی ائدرخصمی هراسان ساوالاندور
دشمن ده گرگ یوردومیزین دوتمیاآدین
اول یئرکی اولارقانینه غلطان ساوالاندور
ئوزخالقیناهمیشه اولوب مسکن وماوا
راحت دولانیب سیرائده جیران ساوالاندور
بابک ده غرورایله داهاباشین اوجالدیب
دشمن جانینا سالدی اوطوفان ساوالاندور
«واقف» یئری وارعالمه اندیشه یاییلسین
شهرت دده،اندیشه لی دیوان ساوالاندور
توضیح:
بیت سوم «آیه»آی ،ماه
خیردادنیز،،دریاچه قله سبلان
باتشکر—-عرفانی
آخرین دیدگاه‌ها
اطلاعات