جهاندا هربشره شان وافتخار آتادی
بساط شرع مقدّسده اعتبار آتادی
آتانین حرمتین همواره ساخلیان اوجالار
نچونکه خوش سیر اولاده افتخار آتادی
خدای لم یزل ئوز مصحفینده امرایلیوب
یقیندی هربشره صاحب اختیار آتادی
آتاسی اولسا کیمون قلبیده غمی آز اولار
قرار ورسمیدی دنیاده جان نثار آتادی
خلوص نیّتیلن اللرین زیارت ائله
سنه محبّت ائدن مرد روزگار آتادی
موفّق اولماقا اولادی روز وشب چالیشور
اولان بوامره فقط قلبی بی قرار آتادی
دوشنده مشکله یالوار الیندن اوپ اوّل
غم ائتمه غم گونی اولاده غمگسار آتادی
شریعت اهلی اولان بوقراری یاخچی بیلر
طریق عشقیده کی صاحب وقار آتادی
آتانین حرمتینه یازدی شعری تیموری
کی صاحب شرف وعزّواقتدار آتادی
علی تیموری
🆔 @gerdeh_ir