نماز عشقه ائدوب اقتدا جواد الائمه
طریق حقّه اولوب رهنما جواد الائمه
آچوبدی اهل کمالین یوزونه باب ولانی
اولوبدی اهل دله مقتدا جواد الائمه
ولایتینده ایشقلاندیروب اورکلری مولا
وئروبدی دللره آیری صفا جواد الائمه
یئتوب امامته سگیز یاشیندا کان کرامت
ائدوب امامتین حقّین ادا جواد الائمه
وئروبدی دینینه رونق آلوبدی حقّیدن الهام
نه لطف ائدوبدی بیزه ای خدا، جواد الائمه
کرامت اهلیدی وار لطفی اهل طاعته الحقّ
عبادت اهلینه ایلر عطا جواد الائمه
کیم اولسا اهل سخاوت کرامت ایله سه خلقه
یقین اولار کرمیندن رضا جواد الائمه
طریق حقّی گئدوب حقً دئیوبدی حقّه چاتوبدی
ائدوبدی جانینی حقّه فدا جواد الائمه
فنا جهاندا کی تیموریا بوحقّ سوزی یازدون
شفیع اولار سنه روز جزا جواد الائمه
علی تیموری
🆔 @gerdeh_ir