ای تاج سریم زهرا فرزانه فریم زهرا
قبره یارالی گئتدون یاندی جگریم زهرا
لایلای ای یاوریم مظلومه زهرا
لایلای ای کوثریم مظلومه زهرا
یاسونده قیزون زینب ناله ائلیوب آغلار
ائوده غم ومحنتدن اشکین یوزینه باغلار
سسلرآدووی گوررم دایم اورگین داغلار
قالدوم الی قوینوندا بی بال پریم زهرا
لایلای ای یاوریم………
ای یار وفاداریم یئخدی ائویمی دشمن
دشمن کی سنی ویردی سندن قاباق اولدوم من
قلبیم آلیشور غمدن ایلور بالالارشیون
قاره گونه قالدیم ای نور بصریم زهرا
لایلای ای یاوریم……….
ای بند دل طاها غمدن اورگیم یاندی
سنسیز بو فنا عالم زهرا منه زنداندی
مونس منه عالمده اشک غم حرماندی
گئتدون اورگی یاره خونین جگریم زهرا
لایلای ای یاوریم………
ای روحیمه ریحانه گل دردیمه ائت چاره
قویدون قاپومی باغلار ائتدون منی آواره
یاننام غمووه دلدن پهلوسی اولان یاره
گنجینه ی طاقتده سینمیش گهریم زهرا
لایلای ای یاوریم………
سندن بابوون زهرا دشمن عوضین چئخدی
درگاهیمی یاندیردی ظلمی ائویمی یئخدی
چون قلبیمی یثربده ظلم وستمی سئخدی
دلدن اوجالوب عرشه آه شرریم زهرا
لایلای ای یاوریم………
علی تیموری
@ali_teimorygerde
🆔 @gerdeh_ir