شعر ارسالی
رحمت رحمان
کل دنیانی دوتوب رحمت رحمان بو گونی سجده ی شکر إلئیوب عالم امکان بو گونی
ربیع الاولین اون یئددی گونی بایرام اولوب چونکی دنیایه گلیب ختم رسولان بو گونی
هامی اتشکده و بتخانالار ویران اولوب طاق کسری بولونوب خسرو ِ نالان بو گونی
بئله فکر ایلرم او منزلت و شأنه گوره سنه مین غبطه یئدی جاه سلیمان بو گونی
من گمان ایله میشم عالمه بعثت گونی تک کائناته اوجالیب ناله ی شیطان بو گونی
مصطفی ، احمد وطاها ومحمد دور ادی قویولوب ریشه ی اسلام و مسلمان بو گونی
چوخ گوزللر واریدی چوخدا گوزللر گله جک إله حیران دی بونا کل نگاران بو گونی
یوخ لیاقت سنون اصف یازاسان وصف نبی سنه ده شامیل اولوب رحمت رحمان بو گونی