ساقیا دولدور قدح، میخانه لر مستانی یام / قوی ایچیم غم باده سین،من ملک غم سلطانی یام
اولماسام من دلبرین،زلفینده ای ساقی اسیر / تنگ اولار دنیا منه،آزاد اولان زندانی یام
سالسا دوران گر اوزاق،اغیاره اظهار إیله رم / من عزیزه میصر اگر،اولسامدا بیر کنعانی یام
درگه معشوقه دن،اوز هئچ یانا دونده رمه رم / عاشیقین عشقینده گر،وصل اولماسا هجرانی یام
اولدی قربان بایرامی،مین لرجه قربان ذیبح اولار / منده اسماعیل اولوب،ابراهیمین قربانی یام
آصیفم صندوق دیوان،مین غزلدن دولسادا / شهریار سلطاندی من،بیر مصرعین ارزانی یام
آخرین دیدگاه‌ها
اطلاعات