چوخ گلدی بلا باشیمه داننده لیگمدن
دوشدوم اودی چولدن چوله شرمنده لیگمدن
گئزدیم ره میخانه نی عشق عالمی تاپدیم
چاتدیم در میخانیه جوینده لیگمدن
آچدیم در میخانه نی کنجینده دایاندیم
بیر سوز دئمدیم خلقه سرافکنده لیگمدن
ائتمیشدیم هوس نوش ائلیم باده ی عشقی
چکدیم باشیما باده نی سرزنده لیگمدن
مست ائتدی منی ساقی می وادی حقده
مست عالمی تاپدیم یولومی بنده لیگمدن
میخانه ده عشق عالمی مردانه دولاندیم
چاتدی ثمریم ساقیه بخشنده لیگمدن
محزون یاشادیم دهریده افسانه مثالی
درک ائتمدی کیم قدریمی تا زنده لیگمدن
مردانه لیگی من دل دیوانه ده گوردوم
منع ایلدی عقلیم منی گوینده لیگمدن
عمروم قَدری خیرعمل اوستونده چالیشدیم
کیم بیلمدی احساسیمی داننده لیگمدن
شعر از حاج علی تیموری گرده
🆔 @gerdeh_ir