یکی از اشعار طنز استاد حسن مثمری 👏👍😂
مشدی عباد
………………………….
گئنه ده کاندیداولوب مجلیسه بومشدی عباد
گئله جک کندیمیزه ایلیه جک بیزلری یاد
نَیشی واردی دولونان ایلیه جک قیزلاری شاد
پولی چوخدور عبادین اولماسادا اوندا ساواد
گئنه ده کاندیداولوب مجلیسه بومشدی عباد
…………………………………..
نئچه یوز وعده وئریب کندیمیزه، اولدو یالان
آللانیب آللاناجاقدیر هله ده رایی سالان
بوندان آرتیق بئلووه قویما قویولسون کی پالان
بونی بیل یوخدو بوشیطاندا سنه راهِ مراد
گئنه ده کاندیداولوب مجلیسه بو مشدی عباد
………………………………
اوزادوب ساققالینی آلنی موهور پینه سیدیر
دیل اوزون بورنی یئکه اوزده تویوخ سینه سیدیر
شترا اوخشاری وار کینه شتر کینه سیدیر
شاسی نی رانتیلا آلدی بازارا دولدو فساد
گئنده کاندید اولوب مجلیسه بو مشدی عباد
……………………………….
هر کیمی بیر یولونان آللاداجاق رای آلاجاق
عاقلی یوخ ساده آدام ساندیویچه رای سالاجاق
مجلیسه گئتسه عباد من بیلیرم لال قالاجاق
او نماینده اولاننان ایشیمیز اولدو کاساد
گئنده کاندیداولوب مجلیسه بو مشدی عباد
……………………………..
گئتسه مجلیسده یاتیب یوخلیاجاق من بیلیرم
اوزونه پول قازانیب پوللارینی چوخلیاجاق من بیلیرم
کاسیبین ایشلرینی زیغلیاجاق من بیلیرم
انتخاب ایله دوز انسانی ائده بیزلری یاد
گئنه ده کاندیداولوب مجلیسه بو مشدی عباد
#مثمر
۱۴۰۲/۷/۱۶
🆔 @gerdeh_ir