کیمدی علی رهبرِ والامقام
کیمدی علی شهرِ شعورَ امام
کیمدی بومنصبده علیدن صورا
درگه عشقینده ملائک غلام
کیمدی بومولای زمین و زمان
اولدی ولادت گهی بیت الحرام
کیمدی گورون سرور اهل جهان
سائله الطافی اولار صبح وشام
کیمدی یاتان بستر دشواریده
عشقی وئرن اهل کماله پیام
کیمدی علی جدی کیمین کعبه ده
سیندیرا اصنام حریفی تمام
کیمدی آغیر منصبه دارا اولان
حیدر صفدردی فقط والسلام
کعبه ده سیندیردی نچون بت لاری
عرشه اوجالدی شرفِ خاص وعام
دوش نبی اولدی قدمگاه اونا
دین خدا تاپدی اونیلان دوام
ذکر علیُّ بِالعِباده یَقین
خلقه دئدی حضرت خیرالانام
فُزتُ بِربِی کی دئدی سجده ده
حضرت حقّدن اونا گلدی سلام
سجده گهِ عشقیده وقت نماز
دگدی مبارک باشا سنگین حسام
سسلدی جبریل امین عرشده
اولدی علی کشته ی ماه صیام
قوی سیزه بومطلبی روشن دیوم
دینون ائوین دهریده یخدی عوام
واردی خبر حجّت حقّ کعبه دن
ایلیجک امر حقیلن قیام
قاتل زهرا و علیدن یقین
حضرت مهدی آلاجاق انتقام
غم یمه تیموریِ آشفته حال
ایله دعا درگه حقه مدام
اذن وئره تاکی ظهور ایلیه
وارث جان پرور میر عظام
✍ علی تیموری
🆔 @gerdeh_ir