شعر صندوق خودیاری ما

کرد اندر ده صدا صندوق خود یاری ما        ریشه زد در روستا صندوق خود یاری ما

وز همه خواهیم تا با همت و یک دل شدن    خانه را آرد صفا صندوق خود یاری ما

هر کدام از ما مثال قطره ای باشیم و گر        مقصد دریا تو را صندوق خودیاری ما

مشکلات است ای برادر گر هدف بر حل آن   درد را باشد دوا صندوق خودیاری ما

کار عمرانی و آبادی اساس نامه شد         باشد استثنا کجا صندوق خودیاری ما؟

گر موارد باشد انسانیت آن را حکم کرد        داند آن مجمع روا صندوق خودیاری ما

آصف از خانی و مجمع کن تشکر بارها       کین شود خیرو رجا صندوق خودیاری ما.

شعر(عطشان دی عباس)

بوغیرت ملکینه،سلطان دی عباس/قمرسیما مه،تابان دی عباس


سپه سالاره دشت کربلا دی/علمدار شه ،جانان دی عباس


کتاب عشق اگر مولاحسین دی/اونا زرین اولان ،عنوان دی عباس


حسین اولسا خلیل الله دوران/منای عشقیده ،قربان دی عباس


علی اصغر بوغازین ساغ گوزون تک/او اوچ شعبه اوپن، پیکان دی عباس


سؤسوز نهر فرات اوستونده قالدی/آخار سؤ غیرته ،حیران دی عباس


اگر چی کربلاده ئولدی سقا/سؤ مشکینده ولی ،عطشان دی عباس


او دم کی گوردی دوشمن آتدی بیر اوخ/دگن ده مشکینه ،ویران دی عباس


اولوب شرمنده بو باب الحوائج/کی زینب تل لیده، گریان دی عباس


ایکی قول بیر گوزین جانانه خاطیر/وئریب جان نقدینی ،خندان دی عباس


حسین اوز قارداشین میدان دا گؤردی/لب عطشان قانینه ،غلتان دی عباس


شهید کربلا جنت ده گویا/آتاسی حیدره، مهمان دی عباس

شعر(بیر کنعانی یام)

ساقیا دولدور قدح، میخانه لر مستانی یام / قوی ایچیم غم باده سین،من ملک غم سلطانی یام
اولماسام من دلبرین،زلفینده ای ساقی اسیر / تنگ اولار دنیا منه،آزاد اولان زندانی یام
سالسا دوران گر اوزاق،اغیاره اظهار إیله رم / من عزیزه میصر اگر،اولسامدا بیر کنعانی یام
درگه معشوقه دن،اوز هئچ یانا دونده رمه رم / عاشیقین عشقینده گر،وصل اولماسا هجرانی یام
اولدی قربان بایرامی،مین لرجه قربان ذیبح اولار / منده اسماعیل اولوب،ابراهیمین قربانی یام
آصیفم صندوق دیوان،مین غزلدن دولسادا / شهریار سلطاندی من،بیر مصرعین ارزانی یام

شعر(وطن)

وطن،عشقون مقدس دی، وطن سنسیز قرار آغلار / وطن بیر کلمه دی آنجاق،الفبا بی قرار آغلار
وطن توپراغووا قربان،وطن یوللارووا قربان / وطن آدون گلن یئرده،غریب غربتده زار آغلار
بو دریا تاب إده بیلمز،اونن بیر قطره سین والله / وطن عکسین گؤرن یئرده کی گؤزبی اختیار آغلار
منه خوش دور تمام فصلیلر سننن ولی سنسیز / وطن هر یئرده اولسام من،خزل آی تک بهار آغلار
وطن عشقینده دیوان یؤخ،اگر بیرجه غزل یازماق / تمام شاعران اولسا،کی حتی شهریار اغلار
وطن فکر إیله رم آصیف،اگر سننن جدا دؤشسه / ألینده هم قلم دفتر،او یئرده هرنه وار آغلار

شعر(دولان تنگه گؤزل)

تی داغی
تی داغی

باخارام خاطیره لر یاده سالان تنگه گؤزل            / باخارام حسره تیلن عکسیم اولان تنگه گؤزل
گیرده نین هر یئری مین خاطیره دور بیزلرایچون   / گل گئدک تی داغئنا همده دولان تنگه گؤزل
باغلی دور قارداشووؤن باشی ولی سننن اوجا   / ایکی قارداش نه طبیعت ده قالان تنگه گؤزل
بیر روایت دی کی گیرده دوتولوب اوردان آدی      / کاروانلار اولوب او یئرده تالان تنگه گؤزل
أته گون چایدی یازئم سینه ده وار کهلیگ اوتی   / نئچه مین لر تپه لردن باج آلان تنگه گؤزل
موسیقی اهلی اونا شعر ایله ماهنی یازا گر     / مین صنعت کار اولا شأنینده چالان تنگه گؤزل
آصیفا غمزده هجرانلی چوبان چئخسا اونا        / قره نی دن اوجالار دنیا یالان تنگه گؤزل

شعر(شوکت شورانی یازانماز)

مین لرجه  قلم  شوکت شورانی یازانماز

عشق ایله چکن زحمت شورانی یازانماز

تقدیم  إده رم  سیزلرایچون  بیر غزل اما

دیواندا  اولا   حشمت   شورانی یازانماز

قرآن ایله هم جمله احادیث منه بسدی

هر کس  اولا تک نصرت شورانی یازانماز

هرکیمسه کی عمرینده اگرمشورتی یوخ

مین ایل  یاشاسا  نعمت شورانی یازانماز

ارزیش  قویولوب  گوهرو  الماسه ولی کن

قیمت گر، اولا  قیمت  شورانی یازانماز

آصیف بیزه بو گیرده وطن دی ولی هر کس

بیگانه   اولا   غیرت   شورانی یازانماز

شعر…

یوز یول گئدسن مکیه گر پول ربادن

مین یول دولانیب یول سالاسان مروه صفادن

احرامی اگر قامتیوه باغلیاسان سن

 یوز دفعه بقیعده اوتوروب آغلیاسان سن

چون قلبیوه نور عملین تابشی یوخدی

واللهی او حجین توکو جان ارزشی یوخدی

فانوسه نه حاجت او زامان کی گونوز اولسا

انسان اوزی بیر کعبه دی اعمالی دوز اولسا

هر قلب کی پاک اولسا اوزی قبله نمادی

بیر نیمه سی مروه او بیری نیمه، صفادی

َ

هر قلبیده آئینه کیمین اولماسا لکه

 گر یاخشی گزیب آختاراسان، اوردادی مکه

شعر(بی سوادم نه یازئم)

گیرده بیر یئردی اولان طایفا اصالت لری وار     شجره،اصل ونصب جمله نجابت لری وار

باخ بیزیم کندیمیزه علم وادب معدنیدی               تربیت تفسیر إدن گؤر نه نزاکت لری وار

سؤز آچئم محفله عشاقیدن عشق ایله یازئم        نئچه منظومه اولان شعره فصاحت لری وار

سؤز آچئم جمله مهندیس و اطبانی یازئم             گیرده عشقینده یاشار کنده ارادت لری وار

حیف اولا ایسته مه دیم سؤز اوزون اولسون ولی کن        دریادان قطره دئدیم چؤخلی فضیلت لری وار

آصیف ایستر بو قلم کندینین عشقینده یازا            بی سوادم نه یازئم، باشقا لیاقت لری وار

شعر(کاش یالان اولمایدی)

کاش یالان اولمایدی،کاش من هئچ اولانمایدئم فلک                تا بو قدری آشینالاردان تالانمایدئم فلک

بیلمورم دوران نییه اینسانی نا اینسان إده ی                      کاش بو دوراندا اولدن من یارانمایدئم فلک

من کی عشق اهلین هنرمندانه شعرین یازمئشام             نم نئچه آیدور اورک، سازین چالانمایدئم فلک

ایسته مزدیم بلبله، گل سیز یئتیش سین خار و خار        من خزان فصلینده بیل، سنسیز قالانمایدئم فلک

باده سیز چون عشقه وئردم، چنگی تابیم قالمادی               ذوق بازار ایچره غم، نازین آلانمایدئم فلک

بو یالاننار ریشه سین ، شعر ایله آصیف تیشه وئر    سؤز یئتیش سین فرهادا، شیرین دولانمایدئم فلک

شعر(دنیا دنی دور)

آل مندن اگر اولسا حقیقت بو پیامی// دنیا دنی دور ای گؤزلیم اولما غلامی

هر کیم کی إده،فخراگرمال ومقامه// بیلسون کی بو دنیا آلاجاق مال ومقامی

آللات ماسین اوزعشقینه دنیا زروسیمی// سعی إیله آتوب باشدان إله اولسا بودامی

مال مست إدر اینسانی اگر اولسا حرام بیل// دولدورما حرام ایله قدح لرله بوجامی

تاریخده اونا باخسون اگر عبرتی واردور// ننگ ایله آدون قالماسین ای زاده حرامی

آغلار قویاجاق دنیانی ایمان ایله وآللاه// هرکیمسه نین اولسا بوشرافت له مرامی

آصیف نه گؤزل دور کی آد اولسون شعرادن// استاد ادب شعریده پاینده کلامی